السلام عليكم
وهاى عليكم يا جماعه يلا بتقروا لينا لو فيه حد عرف عننا وبيقرى لمهبول ومهبوله
هو أنا بدأتها بسؤال علشان عايزه اعرف أحنا هبل فعلا ولا بنستهبل ولا مين الاهبل ومين اللى وصلنا لكده الدنيا ولا البلد ولا الحياة الغريبه دى أنا كنت الأول فاكره أن البنات اللى بتتهبل بس طلع كمان الولاد بتتهبل ولكل واحد مننا اسباب هبله
أحنا فكرنا نعمل بلوج مهبول ومهبوله ده علشان يوم ما الحياة توصلنا للهبل نكتب بهبل بقى ومحدش بيقول للهبل حاجه وليس علينا حرج
يعنى نقول اللى فى نفسنا
أنا مكنش شايفه الحياه سوده أوى كده الا بعد ما خلصت كليه وشوفت بقى الناس بتتهبل من أيه
البنات بتتهبل علشان الجواز وعايزين يتجوزوا أحسن يعنسواوشكلهم عامل أزاى وهيلبسوا ايه ويعملوا أيه مش بيفكروا ينموا دماغهم الأول أزاى وأزاى يقدروا يتحملوا مسئوليه بيت يربوا فيه جيل بطريقه صح ولا هى جوازه والسلام وبعد كده اهم عيال يتربوا على جيل هيفا وغيرهم وكل ما كان العريس مريش يبقى أحسن وأحسن حتى لو مكنش عنده أخلاق ولا دين ولا أى حاجه وممكن يكون أساسا مش راجل نص راجل يعنى يبقى ماشى جنب مراته كيس جوافه ولا ليه أى لازمه ..وكل ما أقعد مع صحابى مفيش سيره الا الجواز ودى عملت وده عمل زى ما يكون الدنيا كلها وقفت على الجواز يعنى وياريت اللى بيتجوزوا نفعوا كله واحده تقول انا كنت فى بيت ماما أحسن لحد ما قربت أتعقد وطبعا بما أن الولاد أقل من البنات تلاقى الولد يتشرط تكون البنت موصفاتى كذا وكذا وكذا لحد ما حسيت أن البنات كيس شبسى بلون كذا وبشكل هيفا ونانسى وعمر حد ما يفكر دماغ البنت دى ايه ولا أى حاجه ده يعينى طلع عنيه عقبال ما كون نفسه ليه بقى مش ينقى براحته .... ليه يا جماعه أنا اتهبلت من اللى بشوف بجد يعنى ليه وصلنا لكده ليه الدنيا هبلتنا للدرجه دى وتلاقى البنت من دول 20 سنه وحست أنها معنسه وخلاص يعنى ليه ما فى باباك وماماتك وحاجات كتير أى ممكن تفكرى فيها مش تسودوا الدنيا يا جماعه تفتكروا ليه المجانين دايما بيضحكوا ومبسوطين علشان مش حاطين فى دماغهم حاجه عايشين الدنيا وخلاص
أما بقى الولاد بقى اللى هما اساس مشكله البنات وهما اساسا عايزين اللى يطلعهم من مشاكلهم تخلص الكليه من هنا وتلاقى بؤس الدنيا والأخره طلع عليهم وهم الدنيا والأخره النتيجه وبعدين الشهاده والجيش والخ وطبعا بما أننا فى مصر
الدنيا ولا باظت ولا خرجت ولا جابت جاز لا مؤاخده دى عيشه ظريفه جدا ولا بيوتنا أتخربت ولا حد بيشتكى لحظه ماشيه والاشيه معدن
عايشين فى حريه زمن القيود أختفى أتحدى لو واحد يوم أتضرب بالافى والناس بتختشى ولا حد بيرتشى الله على الحياه بقى لونها شفتشى ده أحنا لا صوتنا اتنبح ولا فى مااااااااااااااااااااااالطا بندن
متأملين "شكلنا كده مقملين " من الفقر الضنك تعليم عيال وحساب فى البنك
شقق مرميه والشغل فى كل حته واللحمه ب 7 جنيه وساعات تلاقيها ب6
والكل منتعش والكل منتشى الله على الحياة بقى لونها شفتشى
احنا ولا صوتنا اتنبح ولا حاجه ابدا ابدا يا جماعه
والولاد تطلع من الكليه بتبدأ فى دوامه لا تنتهى بيصعبوا عليه فعلا الولاد فى النقطه دى مع أنهم بيفقعونى فى حاجات كتير بس الله يكون فى عونكم اهو الولاد على الأقل بتستنى العدل مش بتقعد تكون فى نفسها اللى عمرها ما هتتكون فى مصر واللى النتيجه الطبعيه أن الولاد كلها بتطفش على بره كان برضه عايزين يتجوزوا بس مفيش أمل فى الحياة اللى كلها غلط من أول الأهل لحد المظاهر الفارغهع ويروحوا بقى الولاداللى بيتجوز واحده قد أمه والبنات فى مصر تندب حظها التعيس وناس تانيه عايشه مش فى دماغها الأ تغير العربيه وتغير الموبيل وهكذا
علشان كده أنا بسأل أحنا هبل ولا مين اللى هبلنا بس عموما الهبل حاجه حلوه جدا مش بيخليك تفكر كتير يعنى عادى بقى كله عندك هبل فى هبل عيش بقى الحياة بهبلها وخلوا البنات تتحنط لحد والولاد تنتحر
بس فى الأخر الأمل فى ربنا كبير وخلوا تفكيرنا أكبر من كده خلوا تفكيركم أهبل علشان ما تتعبوس
وعلى رأى الأخ سعد الصغير اللى مش عارفه أيه لازمته وهو بيغنى جنب الحماره بتاعته
والهبل الهبل الهبل
مين بقى اللى أهبل حد يرد عليه يا جماعه ولا أنا قاعده فى صحراااااااااااااااااااااااااااااااا
هو أنا كتبت أيه ده كله هبل فى هبل
أقولكم سلام دالوقتى
مهبـــــــــــــولـــه
