اولا : عوده وغنيه حلوه وتصفيق حاد

بالأحضان بالأحضان بالأحضان (موسيقي )بالاحضان يابلدنا ياحلوه بالاحضان

ثانيا : بعد اذن مهبوله سأخوض حبتين في السياسه التي لم احبذ ان اكتب بها ولكن حكمت الظروف لقياس درجه حراره الشمس

خليكوا معايه

الحمد لله بعد ان وصلت بالسلامه من بلاد الفرنجه وبعد ان سمحوا لي بالمغادره وبعد عذاب في الدخول وعذاب اكثر في الخروج وبعد التفكير عميق في قرار الرحيل نعم الرحيل

هل تعلم صديقي ما هوه اصعب قرار؟؟

هوه ان تأخذه بسرعه قبل ان تفكر هل القرار هذا صحيح ام غير صحيح ؟؟؟

هل توقعت يوما صديقي المهبول انك تصبح مليونير وتتجوز ست الستات وتضرب علاء الدين علي عينه وتخطف منه حبيبه قلبه والفانوس بتاعه و ميقدرش ينفسك أكيد برضه فكرت انك تركب السجاده السحريه بس تصدق دي بطيئه لا خلينا ندخل عالم هاري بوتر ونركب احسن المقشه اللي بتسبق الريح والا تيجي اقولك حاجه في ودنك خلي البساط احمدي وقول علي اللي في نفسك أكيد فكرت انك تحكم وتكون سلطان لا ومش اي سلطان تبقي مثلا زي حكامنا العرب

تؤتؤتؤتؤتؤتؤتؤتؤتؤتؤتؤتؤتؤ

عيب يا مهبول انت وهوه انك تقول حكام مين ياعم دول لابسين طرح وبيرقصوا علي جثث المسلمين بس برده متنكرش انهم قدروا يغيروا انفسهم ؟؟؟كل واحد كافح لغايه لما وصل للحكم اما قتل اللي قبله او سرقه او نافق او .....او .....وغير كده وكده مأمنين لعياله مكانتهم يعني بنوك سويسرا دي تبعهم وامريكا تفلس لو سحبوا رصيدهم اللي في البنوك هناك

خليك مصحصح كده ياولد الغالي(صعيدي) وركز معاانا في البلوج
اه هتقولوا أكيد ليه انا داخل في السياسه بصراحه لاقيت ان المدونه مهجوره ومهبوله مفروسه قولت يلا بقي خلينا نروح وراء الشمس وبعدين انا عندي حب استطلاع وكل ما تكلم واحد وتزعق معاه يقولك ده انا هاوديك وراء الشمس نصيحه من اخوك لما تروح هناك اوعي تنساني ابقي خدني رحله معاك وانا كمان هاعمل حسابي في صباعين مرهم للحروق وكريم شمس عشان نقعد براحتنا ومحدش يضايقنا
بس أكيد هتقول ياعم الكلام ده قديم وعارفينه من زمان وايه الجديد يعني لا الجديد بقي انا لاقيت الحل في بلاد الفرنج

(تحت كوبري القبه كده للي عايز يعرف المكان )

الحل بقي يبقي ازاي انك تعمل عمل ؟؟؟؟ اعمل ايه ياخويهايون اعمل عمل سحر يعني شعوذه وانت الصادق خليك مدقدق كده وركز كمان
انت تجيب سحليه عاميه ونمله يتيمه وقرطاس لب مش متقشر ولكنه فاضي من جوه وميه حمراء من غير لون احمر وبردقوش وبخور يمني بحت وتولع فيهم وشمهورش العرب هيختفي والحكام هتعقل وهتبطل رقص لا وممكن بقي يأثر عليهم جامد ويسيبوا الحكم ويطلعلك زي القضي عمك شعبولا ابن القله ويقولك
عشان تبقي عارف انا ممكن اعمل ايه انا اللي يبعني ابيعه مبكيش في يوم عليه

وايهههههههههههههههههه

اخوكم --مهبول بعد الدروشه وانتظروني قريبا مع هوه