ملحوظه اولي كيداني
يخرب
عقلك يامهبوله .. انتي عديت البراميل ونطيتي حته نطه واكلتي ورك الفرخه
قصدي التعليقات كلها
:D
هما الرجاله
كده حظهم قليل في الدنيا دي ..اما غلابه يارجاله ياعيني عليكوا
شايفين معايا الحظ في الصوره عاااااااااااااا
............................................................................................................................
2الملحوظه
اخيرااااا....ان
ان ان ااااااااه وبعد طول انتظار وعناء التخفي قررت اعلن
هويتي في عالم التدوين
وأجعر واقول
انا مهبــــــــــــول
مربي الأجيال وكايد الحساد
انا برده زي
زي مهبوله كده مخلص جامعه والدنيا كوكتيل كأبه علي كوكتيل تشاؤم وخليط من الحال
المايل وسوء الحظ الدائم انما ايه واد فالته اعجبكم اوي .. ولا في دماغي
كوكتيل
مشاعر واحاسيس من الاخر
....................................................................................................................................................
3الملحوظه
دي بقي
اتكلمت فيها مهبوله بكل وضوح وشفافيه ..اصلنا بلوج ديمقراطي
مع ان التحيز
باين في كلامها شويه وقالت
الولاد
بقى اللى هما اساس مشكله البنات
وياعيني الولاد دول اغلب من الغلب حالهم يصعب علي الكافر ..وهيا قالت شويه حاجات من
اللي بيعاني منها الولاد من جيش ومفيش شغل ..بطاله منتشره والواد بيقعد جنب امه
يغني ظلموه
انا مكنتش بغني ظلموه انا كنت بغني الاغنيه المعتاده
طلعت
فوق السطوح هز الهوا كمي ـ كل العيال اتجوزوا وانا قاعد جنب امي
ويعيط لابوه شويه ويقوله...
عايز
اتجوز
عااااااااااااااااااااااااا
ابوه..بنظره بلهاء
يقوله.... انت اهبل يابني والا بتستهبل ( يقوله
استني لما اسأل مهبوله وهاجوبك)
منين ياخويه كفايه انا علمتك وكبرتك سيبني اشوف اخواتك بقي اعلمهم كمان زيك
والواد بقي يضيع في الشوارع يهيم علي وجهه كالمسطول وممكن يلتم عليه شويه
عيال مضيعين ويضيعوله مستقبله اللي ضايع اساسا
بس تصدقوا وانا كنت باقرأ في ظاهره اطفال الشوارع انا اكتشفت انهم احسن مننا
يعني من ضمن القصص بتاعتهم
ان
في واحد منهم بيكسب في اليوم حوالي 80 جنيه يوميا طيب وده يسيب الشارع
ليه والنبي ده ولا اللي شغال في امريكا خدني يابني اشتغل معاك ..يلا
الحمد لله
بس انا هنا هاركز علي البنات اصلهم بصراحه حاجه تطهق 
البنت من دول حقيقي اهبل الكائنات .. تلاقي بقي البنت من دول في
الثانويه العامه ماشيه واخده الكتب في ايديها وباصه في الارض قال ايه بتغض البصر
وهيا ميه من تحت تبن..تدخل الجامعه من هنا ترفع شعار (تعيش
حياه الحريه)اصلها
في بلد ديمقراطي
تلاقي اللبس والميكب اب وحاجات غريبه كده كل حاجه متغيرها فيها تلاقي راسها بقت
عامله زي الاتو كده راس لفت بالظبط قال ايه وتقولك اسبنيش
ووشها بقي ياعيني يامرارتي ياني تلاقي خدودها حمرا اوي تقولشي حاطه صلصله
طماطم
وعنيها بتقلب الوان تقولشي مركبه كشفات عربيه
وجفونها تحولت الي اللون الرمادي وساعات بتديها دوكو عشان يبقي ماشي مع اللبس موضه
يافندم وتقولك ده اي لينر
واللي يفرسك تلاقيها ضربالك البدي علي حته بنطلون ربنا لا يوريكم
وتسألها عن الحجاب تقولك ما انا مغطيه شعري اهه
واول لما تدخل الجامعه علاطول تسأل فين كليه طب وهندسه وصيدله
بصراحه هوه الموضوع ده شغلني اوي اوي كنت عمال افكر هما بيقعدوا ليه في الكليات دي
دي بالذات بس اخيرا
واحده بنت حلال فطمتني علي الموضوع
قالتالي يامهبول ياخويه دول عايزين يصطادوا عرسان من كليات المرحله الاولي-----
كليات القمه يعني
أكيد عارفين هيا بتعمل ده كله ليه
اتهبلت .........لالا لا عيب
هاقولكم
عشان تعجب واد حليوه متريش ابن ناس عنده عربيه وشقه في الزمالك وبيصيف في
مارينا وبيشتي في اسوان
ويقوم الواد يتهبل في دماغ اهله ويتجوزها
واحنا نقعد نغني علي خيبتنا بدري شوفتوا الجوازه الشيك الفرخه واحلي
ديك
ودي
كانت اول صفحه من كتاب كيف تصطادين عريس (ربنا يمسيكي
بالخير يابرايد يااختي ) داخت ياعيني علي
الكتاب ده كانت تسألني وانا هادلها علي المفيد
باب الجوازه الشيك في الحياه الجامعيه
دنيا مهبول ومهبوله
بقلم
مهبــــول
ملحوظه اخيره.......الكلام ده مش كل
البنات كده انا بتكلم عن فئه معينه وانا شايفها كترت اوي اوي
53 comments:
أنا اول تعليق
بجد دمكم خفيف قوي
وهنشوف مهبوله رايها ايه في الكلام ده؟
وعاوزينكم دايما كده دمكم خفيف وتضحكونا
تحياتي لكم
دمك خفيف جدا يامهبول
بس على فكرة البنات دلوقتى معدتش بتستنى الجامعه علشان تعلن عن نفسها يعنى
دلوقتى البنات ياخويا من اعدادى بيعملوا فى نفسهم عمايل
الواحد يبصلهم ويتحسر ويقول على فكرة احنا مكناش بنات ولاهنبقي
واحلى سلام لمهبولة هى كمان
wahed
ربنا يخليك يارب لينا يارب وتدخل علاطول كده وتستمع بالي بنحكيه
وتضحك كمان معانا ياعمي الضحك صعب اوي اليومين دول
مهبول
yasmine
ياكسوفي
متشكر علي التعليق الروعه ده ويارب يفضل دمي كده علاطول ميكنش عندي السكر
مهبول
الله يكرمك يامهبول
كويس انك قلت ان مش كل البنات كده
بس قلتها بعد ايه
بعد ما الواحد كان عاوز يتهبل عليك
بس براحة شوية ياعم مهبول
الكلام يخبط فى الراس ياراجل
ممممممممممممم
مهبول
انت واد جامد
جدا
ودمك زى العسل
ولا تتنازل على موقفك
نحن معك
كويس اوووى لحقت نفسك فى الاخر وقولت مش كل البنات اكيد مش كل البنات
بس اللى عايزة اقولك عليه مفيـــش حــد حاليآ للاسف الشديد بيعبر البنت المحترمة ولا حتى بيبصولها قال ايه مبومة يعنى بومه قال ايه مش بتعرف تتكلم
عارف ليه علشان الشباب برضو ومن غير زعل نسبة التفاهة عندهم عالية اووووووووووووووووووووى وبرضو مش الكل علشان القاعدة العامة حرام فى الحالتين
:D
فى ناس هنظلمهم
بس هو سؤال البيوت فين لما واحدة تكون طالعة بالمنظر ده هى رايحة فين بالظبط متاكد حضرتك جامعة
أممممممممممممممممممممم
تحياتى
معلش انا عايزة اقوللك اني نسيت مدونتك و انا زودتك في التاج
معلش انا اسفه انا نسيت
مدونة لذيذة مبروك عليها
تحياتى
هبة
مبهووووووووول يا هلا يا هلا نورك غطا على الكهربا
أيه الكلام الجامد ده يا عم براحه علينا
رحمت نفسك لما قولت مش كل البنات وال كل بنات حوا كانوا هيعلنوا عليك الحرب
بس فعلا عندك حق فى كل كلمه قولتها
أنا بعترف ان فيه فئه كبيره من البنات كده وأكتر من كده
لدرجه أن احنا مش بنبقى بنات جنبهم
بس الحمد لله أحنا كده طالما راضين ربنا يبقى الحمد لله
عايزه أعرف رأيى مهبوله
ومستينه الهبل القادم
مهبول باشا
أتنمنى إن ه يكون اسم و ليس صفة
بالراحة بس يا عم
ماتتنرفزش
بصراحة إنت لحقت نفسك بالمحلوظة الأخيرة اللى ف البوست
و الإ
كنت سترى ما لا تحمد عقباه
ازيك مبهول ..مهبوله
المدونه دمها خفيف اوى وكمان بنتاقش الموضواضيع بطريقه مختلفه
احييكم الموضوع اكتر من رائع
تحياتى
عاشقة الوطن
يخبط في الرأس مايخبط عايزين نولعها ولعها ولع ولعها
متشكر لزيارتك
مواطن زهقان
متخفيش يامان لن اتنازل عن موقفي هذا ولو ابويه جوزني
بس حاسب من الشبشب
أمــانــى
اذا كان رب البيت بالدف ضاربا فشيمه اهل البيت الرقص
عروس البحر
ولا يهمك بس كده هنتخانق انا ومهبوله مين اللي يكتبه فيترك الامر لحين الفحص والتمحيص تحياتي لكي
.............................
Doba
اطلاتك هيا الاجمل ما في الحكايه متنسيناش
...................................
حياه الأحلام
الاعتراف سيد الادله متشكر لتعليقك
..................................
جمعاوى روش طحن
ماشي ياروش ملحوظه كويسه برده هاحطها حلقه في وداني
...................................
O S A M A
الله يخليك ويرفع من روحك المعدنيه كمان وكمان لعند ما توصل لدرجه الصفاء
متشكر لتعليقك الجميل ياجميل
هاى عليكوا
بجد المدونة جامدة جدا
يعنى بتتناول المواضيع بشكل جديد و بشكل لذيذ
بس يا مهبول
ملحوظاتك جهنمية فعلا
بس لحقت نفسك باخر جملة فى البوست
و منتظرين رأيي مهبولة
ronnata
كويس ان الملحوظات الجهنميه بتاعتي عجبتك
ومنتظرين زيارتك
مهبول
حلو قوي البوست ده
go on
تسلم ايدك يابني
ايوة كده عاوزك تشردهم
وتحكيلنا عالبلاوي اللى بنشوفها من بنات حوا
قال ايه يا اخويا البت بتتكسف وزي النسمة وتلاقيها يا مبارك داهية مسيحه فى الجامعه ومع صابحاتها
اسكت اسكت يامهبول يا اخويا
الا انا خلاص قربت أتهبل زيك
والنبي يا مهبول يا اخويا عاوز اسالك سؤال
انت متربط؟؟
باتكلم جد ورحمة خالى إمام
جاوبني عشان الحقك بالسؤال اللى بعده
ثلاااااااااااام ياعثثثثثل
عشره على عشره يا مهابيل
بس انا فى حاجه تايهه منى
اللى عامل البلوج دى مهبول ولا مهبوله؟؟
وربنا يكرمكم وكل سنه وانتو طيبين
ورمضان كــــــــــــــــــــــــــــريم
بصراحة انا قادني لمدونتك احد التعليقات اللي فيها ريحة اسكندرية
بس بجد دمكم خفيف جدا
يارب تبقو كدة علي طول وننتظر جديدكم ومزيدكم
بنت مصريه
الله يخلكيي ده من كرم اخلاقك بس
oky
الملاح التائه
يخرب عقلك ياملاح شايل ده كله في قلبك ومعبيه طيب ياخويه فضفضلي قولي استني عليا بس هاوريهم ولاد الذينا دول
بالنسبه لسؤال
انا لسه قاعد مستني عدلي ياخويه لو عندك حد ياريت تقولي عشان انا مستعجل شويه
مهبول
حبة حاجات (ايمان
اللي عامل البلوج مين يامهبول مين يامهبول
دي شكلها كده جايه تضرب فتيل بيني وبين مهبوله بقي
علي العموم هيا شركه مساهمه مصريه
مهبول
القلم السكندري
طيب كويس عرفنا نصطادو اصلي صياد ماهر بطلع شنط وأكياس وبلاوي حاجه تقرف ياجدع
مهبول
لا يا مهبول ما تجمعش كل البنات فى سله واحده
مش الجميع ياباشا بيدهن دوكو ويروح يصطاد عريس
اصل فى فئة مقضايها تليفونات مش لازم ليها دخول الجامعه
شوفت بقا ازاى ظلمت وجمعت
Desert cat
مين قال بس اني جمعت انا طرحت علي فكره
قلبها في دماغك كده بمعلقه وشوف البوست تاني هتلاقيني طرحت
التليفونات دي حاجه تانيه اصبر عليا اصبر
مهبول
كلامك جميل
بس بجد وتتكلم بصراحه بالذمه مش هى دى البنات اللى بتعجبوكوا وبتجروا وراها
انتم بتتكلموا بس بس وقت الفعل بنلاقى كل الكلام اتغير
رفقة عمر
هارد عليكي باختصار
حقيقي لو سألتي اي ولد بيجري وراء البنت دي تقوليله تتجوزها هيقولك اتجوز مين ياماما انتي هبله دي ماشيه مع كذا واحد قبلي
ولما بيجي يختار بيختار المحترمه اللي تحافظ عليه وعلي بيته
افهمووووووووووووووووا
مهبول
و اللة
بقوا اكتر من الهم ع القلب
جتهم القرف
ملوا البلد
سلام بقى
اكيد طبعا مش كلهم كدا
زي ما الولاد انواع
البنات انواع
وطبعا
النوع اللي انت بتتكلم علية منتشر جدا
ربنا يهدي يارب
شكرا
kafrawy
متشكر لتعليقك ياكفراوي وكفايه بقي هتخليني ارجع
My Hope$
كلام جميل وكمان معقول مقدرش اقول حاجه عنه
ربنا يهدي
جميل اوي البوست ده يامهبول علي فكره البنات اللي من النوع ده كتير اوي
يلا لما نشوف رد مهبوله
السلام عليكم
انا اول مره ازور البلوج بتاعكم بجد بلوج جميل اوى ودمه خفيف وباذن الله مش هتكون اخر مره
ربنا معاكم ويوفقكم للخير يارب
وكل سنه وانتم طيبين بمناسبه قدوم شهر رمضان الكريم
جزر
انت طعمك اجمل جوعتني يااخي
متشكر لتعليقك
الجزر بيقوي النظر برده
مهبول
ام عهد
وانتي طيبه وادامه الله عليكم يالخير واليمن والبركات
متشكر لتعليقك يافندم اوعي تنسينا
هنوريكي اللي عمرك ما شوفتيه
مهبول
وربنا انتوا الاتنين ثنائي مزهل
ايه الكلام دا
تفتكر مهبوله هتسكت؟
انا مستنياها ترد بصراحه
تحياتي ليكوو وتسلم ايدكوا
ولونك بتتكلم على البنات بس برضه احييك على موضوعك لأن ده بيحصل كتير اوى بس برضه مش هنعمم لأن فيه ناس كتير كويسه بس ياخساره مش باينين
بس انا اخدت بالى كده من حاجه انت كاتبها بتقول
انا برده زي
زي مهبوله كده مخلص جامعه والدنيا كوكتيل كأبه علي كوكتيل تشاؤم وخليط من الحال
المايل وسوء الحظ الدائم
يعنى اما الحال زى الزفت من قبل ما نخلص وانت بتقول بعد مانخلص بيبقى كده طيب نعمل ايه احنا بقى فى الدنيا ننتحر ونجيب من الاخر يعنى ولا ايه
الله يرحمنا
gohayna
ومين قالك انها هتسكت دي اروبه انا عارفها كويس
تلاقيه بتحضر قنبله تفجرها ولا حاجه
soka
اقولك انا فكرت في كلامك واكتشفت ليكي حلين جمال
الاول // انك تفضلي علاطول مدبلره في الجامعه ومتخرجيش بلا قرف
ثانيا // تتخرجي وتمام التمام وتقعدي كده زي الشاطره تستني ابن الحلال اللي يخطفك ولا يأس ولا بؤس ولا حاجه خالص
ههههههههه
بجد بوست تحفة
وكلامك سليم يا مهبول ياخويا
بس فعلا البنات بقوا بيعملوا كدا من اعدادي
مش صابرين على رزقهم
dr.Roufy
اصبري علي رزقك شويه هتلاقي مواهب الابتدائي بدأ يتجوز عرفي
خيبه عالم اطفال اطفال
كويس عرفت تلحق نفسك مش كل البنات كده وانا مع ياسمين ان البنات دلوقتي مش بيسبوا نفسهم لما يدخلوا الجامعه ويبدأوا يعلنوا على نفسهم ويدوروا على عريس ابقى انزل خد لفه كده في اي شارع واتفرج على بنات لسه في الاعدادي
احنا بقى خلاص راحت علينا يامئة ندامه علينا
ما تشوف حل لينا يافيلسوف عصرك
تحياتي
بعد السلام عليكم
أيه الكلام الجامد ده يامهبول .. شكلك كده شخصية ظريفة ودمها خفيف
فعلا كلامك صح .. و برضه زي ماأنت قولت مش كل البنات كده فعلا
وعارف أنك لو مكنتش قولت كده .. كنت هتستلقي وعدك يا حلو .. لأن في بنات مش هترحمك
تحياتي
وكل سنة وأنت طيب
ههههههههه
والله زى العسل يا مهبول
ده انت شكلك مخنوق من الجنس الاخر على الاخر
يلا ورينا بقى مهابيلك كده ومخمخلنا فى شويه حاجات مهبوله من دى كتير
مدونه لذيذه وللامام دائما
تحياتى
لماضه
sahr
حل فين الحل الحل فين انا قريت الكلام ده في مجله معرفش اسمها بيقولك الحل يكمن في العقل وليس في المرقعه الفارغه
مهبول
abo salah
ياريت تقول الكلمتين دول لمهبوله اصلها مخنوقه مني خالص وبتقول عليا دمي تقيل
:d
كل سنه وانت طيب
مهبول
lamada
الله اسمك حلو اوي باين عليكي لماضه حقيقي بس مش مهم
انا بمخمخ اهه عشان تعرفوا بس هاتشوفوا هاغسلكوا مهبوله ازاي وأكويها كمان
اصبروا
مهبول
ههههههههههههههه
ايه يا عم ده ؟؟
لا بس و الله دويتو رائع
الى الأمام
عايزين برضه نشوف رأيكم ف تدوينتنا ؟؟؟؟؟؟
تحياتى
كل سنه وانت طيب
ربنا يتقبل منك صالح الاعمال اللهم امين
رمضان كريم
كويس انك يامهبول قلت انك بتكلم عن فئه معينه
واكيد الفئه دى انقرضت طبعا طبعا يعنى
وكل البنات الحاليين زى الفل وخارج نطاق الفئه دى بالمره
ف انتظار بوستاتك يامهبول
Post a Comment