حقيقى حقيقى أغلب الكائنات

أس أس السلالالالالالالالالام عليكم ياللى بتقروا

أزيكم كده بعد بوست مهبول

يخرب عقلك أنت يا مهبول أنت لميت الرجاله حوليك وفرجت على البنات أمه لا أله الا الله
وطبعا أنا تعليقاتى أكتر منك ولا أيه يا بناااااااااااااااااااات...علشان تعرف أن البنات طاغيه فى كل حاجه

بس أنا اللى غلطانه مكنتش منحازه زيك من الأول وقولت بكل صراحه أن الولاد غلابه فى حاجات بس مااااااااااااااااااااشى

يلا يا بنات عايزين نوريهم اللى عمرهم ما شافوه

البنات البنات ألطف الكائنات ..قولوا يا بختنا يا يختناا يا بختنا قد أيه كلنا فراحنين أننا أتولدنا بنات

يلا قولوا معايه وكيدوا الآعداى

البنات حنين كلهمن طيبين والله

مش زيكم شرانين ونكدين وتقولوا على الستات اللى نكدين

البنت زى الولد مهيش كماله عدد

فى الأحتمال والجلد مذكوره فى المعجزات ..... طبعا طبعا
صحيح أن الرجاله زى القطط بتاكل وتنكر عمرهم أبدا ما يعترفوا بأهميه البنات
مع أن البنات أساس حياة الرجاله ومن غيرنا هيتشردوا يا حرااااااااااااااااام عااااااااااااااااا
ولا هياكلوا ولا يشربوا ولا هيلاقوا حد ينظفهم أبدا ..لا مؤاخده يعنى

على رأى سهير البابلى مين بيغسلك هدومك مين بيأكلك مين بيشربك مين كبرت لحد ما بقيت قد الباب لا مؤاخده يعنى

دايما كده حاقدين على الستات ومصرين أن أحنا حاجه أقل منكم

أل يعنى يا حرام أنتو غلابه أوى أوى ..صعبتوا عليه شويه وهعيط

قولت أيه بقى كده يا مهبول سمعنى صوتك البنات أهبل الكائنات

وماله هو الهبل عيب

أنما الرجاله دول أخبث الكائنات عاملين فيها غلبانين وهما بقى مش ميه من تحت تبن

لالالالا حاجه أسمها كده ياما تحت السواهى دواااااااااااااااااااااااهى

أنتو اه منكم أنتو

لما هما البنات أهبل الكائنات يعنى كتبت ليه أن الولاد عايزين يتجوزوا عاااااااااااااااااااا

ما كل واحد بقى يقعد فى بيتهم وبلاش يتجوز واحده يطلع عنيها ويقرفها يعنى ولا هو هيتجوزها تحفه فى البيت

ده بعد ما يطلع عين أمه علشان يختارها اساسا ويحفى وراها يا حرام علشان ترضى بيه

غلبانين أنتو أوى صح أكتر حاجه غلبانين فيها حته الجواز دى

بدليل أنكم أول حاجه بتفكروا فيها عقل البنت وتدينها صح ولا أيه؟؟؟

الا أنا كل اللى بشوفه حوليه عايز البنت حمرا بيضه خضرا بطعم كذا حاجه كده زى اللبنان أو اللب ولا حاجه

وحاجه بقى بتفقعنى بصراحه أن كتكوت عين أمه يكون البعيد عنده حاجه وتلاتين واربعين ويقولك عايز بنت بالكتير 22 سنه يختى كميله ننوس عين أمه على اساس أنك نونه يعنى ومالها البنت اللى فى اخر العشرينات ولا حتى اللى عندها 30 سنه كخه يعنى ولا هو ذنبها يعنى ولا هو أفترى وخلاص ودول مش بنى أدمين الله يمسيكى بالخير يا برايد يا أختى

محدش يفتكر أن ده حقد على اللى عندهم عشرينيات أنا الحمد لله لسه صغيره ومتخرجه جديد

بس يعنى بتكلم عن أفترى الولاد اللى بشوفه ..... يا حرام غلابه الولاد أوى أوى

وفين وفين لما تلاقى راجل يقولك دماغ البنت وتدينها علشان بس مظلمش الرجاله 99,9% زى الأنتخابات كده مفترين وواحد من عشره هما اللى مش كد

الراجل من دول بعد ما يقعد يختار ويتجوز وشويه ويقعد يقولها شايفه نانسى شايفه هيفا زى ما يكون مثلا هو البعيد أحمد عز مثلا وماشى الناس بتعاكس فيه

وبعدين أطبخى يا جاريه كلف يا سيدى

عايز مراتك تبقى أحلى من هيفا مليون مره أديها فلوس تروح الكوافير وتفضل أنت طول اليوم من غير أكل وهاتلها خدامه بقى تنظف

أنا مش مع أن الست تبقى مقرفه فى بيتها لا تبقى فى أحسن صورها بس مش يقارناهاش بحد وفكر أنت كمان فى شكلك أيه دقنك كرشك كده ومش كله أكل أكل أرحموووووووووووووووا

وأتحدى أى ولد يكون مش بيفكر أول حاجه فى شكل البنت أنا طبعا مش بنكر أن الشكل حاجه لازم منها بس خلينا فى الشكل المقبول وتفكر فى دماغ البنت دى تدينها ولا هو لازم تكون ملكه جمال أبو زعبل يعنى

ليه التفكير بقى سطحى وتافهه وبياخد بس بالمظاهر

لما هى نانسى ولا هيفا حلوين روح يا أخ منك له أتقدم ليها وشوفها هتعبرك ولا لا؟؟ علشان دول عايزين فلوس مش بنى أدم

ويقولك الست مش رومانسيه يعنى هى كانت شافت منك رومانسيه أساسا الا حتى ما بيجبوا ورده ألا بعد طلوع الروح هما أخرهم يجبوا ربطه فجل ولا جيرجير أفيد بالنسبه ليه

هو يتجوز الست من هنا وخلاص بقت مملوكه ليه وكلام الخطوبه راح هباااااااااااااااااء ويبصلك بنظره بلهاء مين فين أيه؟؟

ويسبها هى مع العيال زى ما يكون العيال عيالها لوحدها وهو جوز أمهم ويقول كفايه شغال طول النهار وكلمه المعتاده بتاعت الرجاله هو انا تور فى ساقيه

تقوله خرجنى يطلع عليه كل أمراض الدنيا والأخره أنما لو كان واحد من صحابه كان زمان البعيد لبس فى ثانيه

أهو أفترى من ضمن الأفترى
قولتى بقى يا مهبول الولاد غلابه صح يا حراااااااااااااااااااام يا حرررررررررررررررررام قطعتوا قلبى وخرطوا عليه بصل

نجى بقى لحته الجامعه أنت رحمت نفسك لما قولت مش كل البنات أحسن كان يومك مش هيعدى على خير منى أبدا وكنت هحط السيخ المحمى فى صرصور ودنك مع أنك سودتها أوى البنات المتحرمه والمتدينه كتير بس بعيد عنك البعده عمى

أنت سبت بنات الدنيا كلها وجيت على بنات الجيل الصاعد دول على رأى حد علق عليك قالت وفى الأخر دول اللى بيتجوزوا وأحنا بنحس أننا مش بنات جنبهم

بس حقيقى المفروض تكون بتغضوا بصركم وأنتو مش هتشوفوا البنات دى هتقولى خلى البنات تلم نفسها علشان أحنا نغض أنتو لو غضيتوا البنات دى مش هتلاقى حد يبص عليهم هتتلم

وكمان غلطت الرجاله هما مين يعنى اكياس الجوافه اللى منزلاهم كده ما كل واحد يلمهم أنا عارفه أيه الرجاله الشوله دول اللى يسبوا البنت نازله كده

وكلام فى الجد كل واحده هتتحاسب وكمان كل واحد هيتحاسب أنه سايب واحده من أهله كده

وبعدين الولد المحترم محترم حتى لو راح قعد فى أوربا والدول المتقدمه ما فيها بقى مش صلصه طماطم وكشفات عربيه بس لا دى بقى مفيهاش أى حاجه قولى بقى الرجاله اللى أغلب الكائنات المفروض يعملوا أيه هناك

أتقوا الله بقى حرام عليكم

وبقول لكل بنت أتقى الله وبلاش أقولك حرام مش بتتكسفى وأنتى نازله كده والطيور على أشكالها تقع اللى هياخدك علشان شكلك بكره لما يتجوزك هيبص على غيرك أحلى منك

ما أصل بقى حقيقى الولاد دول أهبل الكائنات

الولد من دول يبقى فى ثانويه عامه عامل فيها غلبان وطلعان عنيه فى المذاكره وهو داهيه مسيحه سجاير وبنات ويفضل كده عامل زى الشيطان شوشو الوحش وبيفضل يجرى ورا البنت من دول لحد ما تكلمه أصل مفيش بنت كده هى اللى بتجرى ورا الولد

وبعدين يدخل الجامعه وبيبقى غلبان أوى تلاقى كل واحد فيها فاكر نفسه الواد التقيل تقوله أمين شرطه أسم الله لابس النظاره الشمس ألأ يعنى علشان الشمس وعنيه وهو أيه لابسها وعمال يبرطع فى البص على البنات أشى اللى حاطه صلصه طماطم واللى عامله ربطه الفجل واللى حاطات فلاشات عربيه على رأيك يا مهبولى

ومش يرحم بقى حتى البنت المحترمه الملتزمه مش بيسبها فى حالها

تلاقى الولد من دول عامل زى البارشوت فجأه كده ينزل يا أختى على الواحده هو أنتى أسمك أيه ؟؟؟ هو أنتى منين ؟؟؟ حاجه كده ينزل عليكى زى القضا

فعلا الولاد أغلب الكائنات

طبعا البنت المؤدبه هتديه على دماغه على طول

أنما بنات صلصه الطماطم ورأس الفجل والبنطلون المرشوش لآنه أكيد ده مش بيتلبس أبدا هتدينله الرمش التمام يقوم هو زى أهبل الكائنات يريل عليها

الغريب بقى أن البنت المحترمه هو اللى بتاخد صابونه فى الأخر فى الجواز علشان الولاد غاويه رمرمه غاويه التمثيل اللى بتاخده على قد عقله

أصل الولاد أهبل الكائنات بيجروا ورا صلصه وحاجات مش طبيعيه

مش يشوفوا الطماطم الطبيعيه لالالا يموتوا فى الجمال البلاستك ده تلاقى البنت من دول ولا الوش الجبس يعنى وتلاقى الولد زى الأهبل وراها مع أن البنت المحترمه دى لو عملت زي بنات صلصه الطماطم هتبقى أحلى مليون مره
بس تقولوا أيه يا بنات البعده عمى
بس أحسن خليهم ياخدوا على دماغهم
أصل يا أختى أنما الأعمال بالنيات وكل واحد بياخد على قد نيته
وكل بقى واحد يفكر فى نيته
قولتلى بقى يا مهبول الولاد أغلب الكائنات صح

ضحكتنى مكنش ليه نفس أضحك بصراحه أبدا أنا لسه ما قولتش أى حاجه بس صدعت بصراحه أصلى لما سيره أغلب الكائنات بتجى راسى بتقفش كده على صداع

ولسه كلامى كتيييييييير وكل حاجه من دى عايزلها بوست لوحدها بس دى تفاريح بس علشان نشوف مين هو أهبل الكائنات بس

أنا عايزه أشهد الرجاله اللى عندهم ضمير حى كلامى صح ولا غلط ولا هبل أعرفوا أن الأعتراف بالحق فضيله

أنما الكذب ده بيودى ماررينا قصدى النار

والله البنات اللى غلابه معاكم

يابنات يا ألطف الكائنات كل واحده تقولى مفقوعه من أيه من الرجاله وأنا هديهم شويه فى الهبل مش هرحمهم أبدا

أنا عايزه المساواه حتى بين الأخوات البنات والولاد ولسه الموضوع بقى ده قصصصصصصصصصصصصصصصه لوحده يا مرررررررررررررررررررررررررررررررراى
أٌقولكم كفايه كده هبل النهارده
تششششششششششششششاو
سى يو أوووو
ملحوظه هامه جدا >>>>>> أنا بتكلم عن فئه من الرجاله من كلهم أكيد بس بكل أسف بقت الفئه الآغلبيه فى الزمن ده
وشكرا أنكم أستحملتونى

للحديث بقيه

كان معكم من أمام شاشه الكمبيوتر مبهولـــــــــــــــــــــــــــــــــــــه